比特幣絕無可能作為美國的戰略儲備！

都說我很怕特朗普做美國總統，只是參選，政策的建議已經滿天飛，好煩！你做投資，根本無所適從，所以早在一季前，我在群組已說，在特朗普參選期間，投資宜該一動不如一靜，否則你的資金走向會疲於奔命，且愈滾愈少。

昨天，又「傳出」特朗普可能打算將比特幣作為美國的戰略儲備資產…….

咁大件事！我唔會信，大家都唔應該信，根本無必要，而且茲事體大，儲備資產的改變不是說笑，牽一髪動全身，關乎國運，不是特朗普一個人說了就算！若引發金融動盪，佢狽唔起！

其實，比特幣真未去到好似黃金咁有歷史咁廣泛認同，如果世界真係出大事，特別係網絡停擺，公眾只會愛美金與黃金，比特幣根本發揮唔到乜野功能，咁拎佢嚟做戰略儲備，有甚麼戰略呢？我想唔出！特朗普想點拎佢嚟同其他大國博奕呢？其他大國無用比特幣做外匯儲備bor，唔通要同蕯爾瓦多博奕？

比特幣剛先有現貨ETF ，咁快升呢做埋外匯儲備！？認受度會唔會走得太急！？

真係搞還搞，搞美國某產業的發展還可以，始終特朗普係生意人，從賺錢角度作出一些美國產業改變，可接受；但特朗普不懂金融制度，佢真係咪亂嚟！

不過，以上呢個比特幣作為美國戰略儲備資產既說法，仍未得到特朗普同佢既幕僚或任何公開外部消息來源所證實，所以，都應該係加密貨幣市場的炒作話題。

市場的而且確有班人好想炒高比特幣！我見到泡沫。