現貨ETF 根本唔會令以太幣增值 ——— 美國SEC 非常小心眼

睇嚟美國SEC 批以太幣有現貨ETF 批得唔係太甘心，或者咁講，比以太幣有現貨ETF 係一回事，但同以太幣有關的質押活動係咪合法化，又另一回事！

小狐狸錢包 Metamask 一向跟以太幣息息相關，我教點鑄造以太坊代幣都係用Metamask 錢包既測試網做testing 。尋日28號美國SEC正式指控MetaMask 的 Swap 和質押產品涉嫌違反聯邦證券法，並起訴Metamask 錢包既開發公司Consensys 自 2020 年以來一直以未註冊經紀商身份營運，透過 MetaMask 從事未註冊證券發行和銷售。

好明顯，儘管以太坊現貨 ETF 喺上月意外地被批准，就算ETH 被歸類為大宗商品也好，但美國SEC 仍會將以太幣衍生出嚟既流動性質押，或以太坊主鏈上相關的智能合約活動，定性為非法行為。

Matamask 錢包的母公司一直捉錯用神，過去一直力申以太幣若被視為證劵，所牽涉的問題很多，如各交易平台要即停止以太幣之交易，會令很多人蒙受損失；但美國SEC 的重心，明顯在由以太坊主鏈上所引申出來的其他活動是否違法，而非以太幣本身。Metamask 母公司應該為自己錢包中的質押活動辯解，而非為以太幣爭取其大宗商品之地位。

正因為咁，就算以太幣有現貨ETF ，佢既價值都大打折扣，始終以太幣既價值不再於交易值，而在於主鏈上智能合約活動係咪夠頻繁，而家美國SEC 分開嚟睇，極端d可以將所有以太幣的質押活動視作非法，咁以太幣都唔知有乜用？咁佢同相關的現貨ETF都唔見得好有價值。

所以，我認為即使有現貨ETF ，以太幣價格依然會非常波動，唔得似比特幣有現貨ETF後咁穩定。