究竟Bitcoin Stacks 升級升了甚麼？(II) ——— 提升挖礦的公平度

當下Bitcoin Stacks 既挖礦過程其實存在不公。原則上，Stacks 礦工要鬥出比特幣多嚟爭創建Stacks 區塊既權利，當然出得愈高就愈容易爭到。

但因為Stacks 條鏈都算係比特幣主鏈既一條側鏈，於是，擁有相當比例比特幣哈希率既比特幣礦工，可以喺佢地挖掘出嚟既比特幣區塊中，審查其他 Stacks 礦工既「出價」，從而確保自己既出價能奪取Stacks 區塊的創建權，藉此獲取獎勵和交易費用。

呢種不公叫做「MEV問題」，涉及礦工透過操控區塊嚟獲取額外利益，絕對影響網路既整體安全性。

Bitcoin Stacks 升級後，引入兩項新既礦工選擇標準，以提高區塊挖掘過程既公平性。

第一，礦工參與近期的區塊創建必須喺近期 10 個區塊中都有參與競投的紀錄，先有資格喺下一個區塊中被選中。

第二，為防止礦工通過提交異常（特別過低）出價獲得區塊獎勵，礦工被選中的概率是根據過去 10 個區塊中記錄的所有 BTC 出價的中位數計算得取。

通過引入呢d防止 MEV 既標準，Bitcoin Stacks 升級後可提高 Stacks 區塊鏈挖礦過程既透明度和信任度。