Month: February 2023

一連幾日寫左好多篇有關Bitcoin layer 2 既側錬項目，呢篇最重要啦，就係總結各項目的投資價值。 就以閃電網絡嚟講，目前鎖定在閃電網絡中的比特幣總量已經達到5400多枚，雖然相對於跨鏈到ETH及其他鏈上的BTC (比如目前17.5萬個wBTC，9000個hBTC) 還有比較大既差距，不過從用戶數量嚟睇，已開始逐漸普及，發展潛力值得關注。 至於Liquid network，雖然佢跟閃電網絡喺技術上有所不同，前者係一條側錬，後者只係一條支付通道（中本聰2009年建構條Bitcoin 主錬時，已有程式碼預設介面為支付通道作準備），但兩者都係提升比特幣的交易效率；可以咁睇，Liquid network 主要處理比特幣大宗交易，偏重「批發」業務，有助DeFi 發展，即係有利借貸平台的運作；而閃電網絡則偏重零售，促使以比特幣為交易媒介既購物平台更為普及。 Stacks 就更厲害，佢打造既係一個類近以太坊的Dapp 平台，大家都可以用佢既程式語言Clarity 同編繹器去建構智能合約，只不過底層建構在比特幣主錬上；嚴格而言，Stacks 因有自己的主錬，應該不屬於Bitcoin layer 2 的開發項目，不過大圍都當佢好似比特幣側錬咁，我咪跟大隊咯，都不用分得那麽細了，關鍵係佢呢個項目有無發展潛力；目前喺呢條錬佔左九成應用既就係「我」，一個叫ALEX 既DeFi項目，係一個借貸平台，有興趣可睇吓以下呢條link:  但因為Bitcoin Layer 1 出現左Bitcoin Ordinals，市場而家預期好快喺Stacks 既智能合約layers （叫做所謂Bitcoin layer 2)上面都會出現NFT ，咁即係stacks 智能合約既應用場景愈泥愈廣泛啦！所以Stacks既crypto STX 就被炒上啦！市場無死錯人既，三個Bitcoin layer 2 項目，因為Stacks 係一個Dapp 平台，潛力最大，所以首炒焦點一定係Stacks。 當下Bitcoin Layer 2 的項目格局就係咁啦！

這段日子，因為想學寫一些關於科技產品的推介（雖然我知chatGPT可代為效勞，但人工智能寫出泥既缺乏個性，非我所愛），就發覺自己對晶片的知識十分疲弱，於是下工夫研究。 現在，我終於明白一塊晶片怎生成（令我突然很想學chemistry)，亦明白到甚麼是處理器的指令集（就是最底層那幾個跟CPU 溝通的指令），又知道處埋器的微架構就是那粒CPU的電路邏輯，加埋指令集就是所謂的CPU核心了（我一直只知Linux 的bash 能跟核心溝通，但甚麼是核心，我不明白），原來不只有CPU和GPU，更有其他字母為首的乜PU ，將CPU 某些處理任務專門化出來，提升效能，更了解到C程式語言在編繹中如何跟二進制程式語言扯上關係。 另一方面，處理器有X86和ARM 之分，很有趣，又是一個屬closed system而另一個則是open system，X86較封閉，以INTEL為首幾間大公司所壟斷，而且CPU 是自家生產；ARM則較開放，授權賣出所設計的指令集甚至微架構，但它本身並不生產CPU，其他生產商代勞，最出名既當然是台積電了！ 同一個微架構，亦可以進一步微調一些電路設計以平𧗾效能與功耗（即係食唔食電），以針對不同的使用電腦的目的（如剪片或打機），所以我們會看到筆電有很多型號的處理器，甚麽i7乜乜乜乜，Ryzen 乜乜乜乜等等。 這些東西，我終於有感了，這重要，是我跟人工智能最大的分別；我有感，我的文字才生動—-唯一的本錢勝過chatGPT！