Month: June 2024

自全球第二大加密貨幣交易所FTX倒閉後，所引發軒然大波，幾近令同業全滅，就是交易所排行首位的幣安（Binance)，其主事人趙長鵬亦要四方奔走，力挺自己的交易所儲蓄充足，可應付任何的提現。然而，怎也好，加密貨幣投資者已對交易所失去信心，紛紛轉回自我託管。 然而，自我託管也未必確保絕對的安全，就是bitcoin core 的核心成員，也中招。 近日Bitcoin core 開發者之一的LukeDashjr ，其用來識別自己錢包軟體Bitcoin KNOTS 的 PGP 私鑰(操作類近一對加密了的公私鑰）被盜用，二百枚比特幣不翼而飛，約350萬美金。據估計，大有可能因為LukeDashjr的server曾被駭令私鑰檔案漏出。 怎也好，對於比特幣的保管，我們不得不小心。個人認為，除了保管好自己錢包私鑰外；更重要的是，要盡量「冷儲藏」，亦即避免錢包長久留在線上，以上那位開發者所用的Bitcoin knots ，是在線上下載的程式，若你不關掉該程式，它是長久地在線，便大有機會被駭。真的多一分在線，多一分被駭的凶險。所以，當我們安放好比特幣在冷錢包後，便該即時斷線，斷絕任何網絡可以傳送的漏洞。 當然，斷線太久我們會遺忘操作，那我們該建立規律，每隔一段時間就上線看看，看完就offline。 是自己的血汗身家，懶不得。

成日聽到乜野擴容又layer 1 又layer 2，究竟區塊鏈層構係乜野一回事？ 嚴格嚟講：區塊鏈可分為四層： Layer 0係底樓，係網絡同硬體連接既地方，譬如比特幣可以利用傳統網路喺第 1 層順利運行，第 0 層所指就係呢方面，通常探討到乜野跨鏈作法，就係呢一層既事。 Layer 1 所指就係自己條區塊鏈（例如比特幣或以太坊），包括挖礦共識（PoW、PoS）同所有技術細節之類的事情，呢層最重要係要克服區塊鏈的三角困境：去中心化、安全性和可擴展性。 Layer 2係指同Layer 1 結合使用既第三方集成，Layer 2 誕生既目的就係為左提高可擴展性同每秒交易數（系統吞吐量）， 當你聽到乜野側鏈（好似比特幣的隔離見證同閃電網絡）或任何與加快吞吐量有關既事情，指既都係呢一層，但好多時呢一層大家既分法都會將佢併入Layer 1 度。 Layer 3係應用層，即係我地作為使用者，與之交互的介面平台，亦即係某條鏈上面的Apps （好似Bitcoin Stacks 上既Alex 平台），但通常大多既人都稱呢層做Layer 2，好少叫Layer 3，所以理念上該原屬上面Layer 2既Bitcoin Ordinals 同 Stacks，都一併歸埋喺呢層。 無所謂啦，大家知指乜野就可以，又唔係要考大考！

上一篇講到乜野叫側錬，呢篇我想講講跨錬又係d乜野嚟？ 試構想以太幣嗰邊d layers 有個你好想投資既計劃，但你只得比特幣喺自己wallet ，無嗰邊生態的加密貨幣或代幣，咁點好呢？當然你可以賣出比特幣套現再喺以太坊生態嗰邊入手所需的幣，但問題係一來一回有礦工費，兼可能當時比特幣並不好價，賣出要蝕，咁點好呢？ 你就可利用一d第三方的跨錬服務，過程並唔難理解，你先將某個數量比特幣鎖定喺呢個第三方系統內，而佢就喺以太坊用智能合約ERC20 token 產生一隻代幣，譬如叫WBTC比你，跟著你就可以喺以太坊條錬到做賣買啦，有d協議係可以當你唔用時就註銷翻呢d WBTC 代幣，跟住解除系統的鎖定比翻d比特幣比你。 要注意既係，呢個跨錬過程中，比特幣和以太坊兩邊係完全無相連過，只係第三方設計一個方法將兩條去中心化區塊錬接連，而且呢個第三方係「中心化」既，佢隨時可以失蹤攞曬你d比特幣走佬都得，或者你「質押」左d比特幣，遲遲唔出嗰d代幣比你都得！所以，你想跨錬要搵信得過的第三方（我呢句可圈可點，自己睇路）。 WBTC並唔係虛構既，係真有既，全名叫Wrapped Bitcoin，價值跟Bitcoin 睇齊，你可以visit 吓下面條link: 

既然今年加密貨幣市場既炒賣焦點在比特幣區塊錬layers 上既各種應用，我地再深入探討下，今次講既係側錬。 最為人所知的比特幣側錬就是「隔離見證」，中本聰原先的設計，錬上每區塊只得1 M容量，隨著比特幣的應用日漸普及，根本唔夠裝交易數據；於是，2017年引入「隔離見證」，唔好比嗰名嚇親，好簡單既即，即係每區塊「鈎」多一個額外區塊，有3M 容量，用泥儲藏交易發送方的電子簽名（交易當然要簽名核實啦），亦即是將交易既見證呢個部份放左喺呢條「側錬」到，所以就叫做「隔離見證」啦，情況就好似架貨車車尾再拖多個無車頭既小型車廂咁，咁咪裝多好多數據咯，令每十分鐘可盛載的交易多左（區塊約每十分鐘生成）。 傳統上叫呢d叫做軟分义，因為條主錬無郁過，只係再加多條類近側錬既野落去；但因為發生在區塊錬記錄數據本身上，所以屬於layer 1 既應用。 最近大熱既Bitcoin Ordinals ，NFT 資料就係放埋喺呢條側錬到，以致「食」左好多位，拖慢左比特幣正常的交易時間，若果你要快，加礦工費啦！於是，怨聲載道！

我不重視chatGPT，卻非常看好由1月21日開始的Bitcoin Ordinals 與及其所帶動既Bitcoin layers發展瘋潮（為首就係Stacks同佢既代幣STX），點解呢？ 有無發覺，每次嗰d社交網絡媒體好似WhatsApp、instagram 或twitter ，一想收費，公眾就起哄！原因就係呢d平台「成也我們，收費卻又在我們」，明明呢d平台有市值，就正正係我地既參與，但係佢地居然最終向我地既參與收錢，有無攪錯！？幫你打工，重要我地貼錢！Facebook 呢方面最衰，你不斷貢獻內容，但突然會無緣無故被block accounts，即係你contribute 完就踢你走！ Web 2.0發展到盡頭，竟然咁荒謬！而chatGPT呢類服務，咪又係最終同我地收錢；大佬，你將網絡中大眾三十年泥所貢獻既數據泥提供服務，我地一蚊都無收過，反過泥收又想收我地錢！？ 所以，呢種人工智能只係將web2.0既發展推向盡頭。 如果你講web 2.0邊間公司最有web 3.0既內涵，就只有Google ，起碼佢會同用家共營共生（YouTubers就係例子）。 所以，我一直也看好Google ，就係呢個原因。 一直叫住的web 3.0，今年終於開始了，要共營共生，就必須去中心化，無大台，而直至今日，真去中心化只有Bitcoin條錬，而喺呢條上面建構的平台，先可能係「共營共生」。 Stacks 就係咁啦，stackers 維繫網絡係有比特幣收既（唔知係乜，睇翻我尋晚嗰篇），唔鐘意想走人時，可以帶住你既STX走，跟住喺市場賣走！好Fair! 咁大家而家明白，點解佢攞到美國監管機構SEC 既approval 啦！ 我極睇好呢次Bitcoin layers 既發展，相關一切既東西，價值要爆升了！

近幾日Stacks 這區塊錬的STX 市價狂升，究竟這又是甚麽一回事！ 要了解，我們就先要明白一種嶄新的挖礦方法——傳輸證明(PoX)。 PoX 這種挖礦方法有兩個層次： 第一個層次是，礦工想挖掘出區塊，需發送一個任意數量的比特幣到指定協議的地址，該協議會使用每個礦工發送的比特幣數量作為輸入值，並將其與一個可驗證的隨機函數 (VRF) 相結合，進行甄選後選出獲勝的礦工。當然，礦工投入的比特幣越多，當選的機會就越高。 某礦工一旦被成功選中，就能夠通過網絡廣播他們創建的新區塊，協議會發送 500 個 STX 以獎勵他的付出。  那麽，發送到該協議地址的比特幣往那裏去？這就是第二個層次，這些比特幣會分給在Stacks網絡上鎖定了STX 數量的STX 持有者，通稱為Stackers。畢竟，這些 Stackers 以分散式節點形式維繫著整個Stacks網絡，其參與就像支持著一個龐大的去中心化自治平台，在這平台上，Stacks 跟以太坊一樣，可透過開源程式碼建構智能合約。 正因如此，市場認為類近Bitcoin Ordinals 的NFT很快會在Stacks區塊鍊上出現，故此STX 被市場看高一線。 個人認為，Stacks網絡是下一個加密貨幣市場的超級大高潮！因為它集比特幣和以太坊的優秀面於一身，它不像以太坊，是徹底去中心化的；另一方面，它解決了比特幣區塊錬的擴容問題。 Stacks 才是真正的去中心化自治組織（DAO）！

比特幣閃電網路的出現，正正是我始學習區習錬那一年，是2018年（無巧不成話，我跟Bitcoin Ordinals 同一天生日），因此，我對這個網絡特別有親切感，大家一起開步嘛！ 閃電網絡主要解決比特幣線下實時交易的處理問題，實現了比特幣的高速度和低成本交易，與及大大提升了每秒可處理的交易量；目前鎖定在閃電網路中的比特幣總量已經達到5400多枚，從用戶數量來看，確實已經開始普及；加上2021年薩爾瓦多將比特幣法幣化後，閃電網絡就得到更廣泛既應用，通道中既BTC數量也在快速增長。截止至2023年2月8日，閃電網絡一共有1.6萬個節點，近7.7萬個支付通道，通道資金約5356枚比特幣（約合1.24億美金）。現時，閃電網絡通道在歐美較普及，集中在美國、加拿大、德國，僅美國既通道數量就占了30.15%，而喺亞洲，則僅新加坡既通道數量佔比相對較高，有1.644%。 據Arcane Research統計數據顯示，到2022年3月份，已經有超過8000萬人在已安裝的應用程序（譬如我昨天所推介的phoenix wallet)上使用閃電網路。 以閃電網路節點所提供的錢包支付應用，我認為最廣泛的可算是比特幣閃電網路支付平台 Strike 跟Shopify合作，後者允許商家接受比特幣閃電網路作為支付方式之一（亦都因為咁，我都諗住Shopify 開店，反正佢又同YouTube 帶貨功能相連）。 另一個較廣泛應用是，僅次於 PayPal 的全球支付巨頭 Block(前身為Square)將閃電網路整合到旗下的熱門應用程式 Cash App 中，不過現時只在美國用，我地download 唔到呢個Apps，但香港要發展成加密貨幣中心，我相信不久未來香港會有得用。 除此之外，閃電網路上目前還有一些DeFi應用在開發中，包括資產發行平台、智能合約協議、Dex、衍生品平台等等，待它們發展得甚具苗頭時，我才為大家介紹。

等我陸續為大家分享一下現時在比特幣區塊錬上已建構的生態協議，第一個係由2018年開始出現既閃電網絡。 乜野叫閃電網絡呢？ 假設我成日都要過帳比特幣比你，原則上，每次都要紀錄在區塊錬上，每次都要礦工跟進，咁咪好費時同好貴（要礦工費架嘛）；於是，就誕生左呢種閃電網絡出泥啦。 點運作呢？好簡單，首先我同你開一條「支付通道（payment channel)」，即係將d比特幣放入一個錬下共同account，然後我地開始喺呢個account 進行頻繁比特幣交易，最後關閉呢條channel 時就「對數」，睇下我比突你，定你比突我，然後先透過礦工上資料到區塊錬。明顯地，唔駛筆筆都上區塊度，一定加速了比特幣傳輸效率。 成個lightning 架構梗唔係得你同我，咁只要大家參與同一個lightning 系統，就好似一個lightning 社區咁，互相用比特幣傳泥傳去。 咁講無用，開個相關wallet 睇睇就最易理解，我用開phoenix 呢個非托管式lightning錢包，你地download 落泥睇睇，呢個錢包可以為用戶自動創建支付通道。在創建通道時，Phoenix會收取1%以及約3000中本聰(比特幣最細單位)既費用，但若使用已有既通道支付就免費。另外，錢包擁有兌入和兌出功能，用戶可以無縫發送和接收鏈上交易，而你「drain 」wallet ，就即係關閉嗰channel。當然，你過比特幣比另一個人，佢都要用緊phoenix 呢個lightning wallet ，而傳輸比特幣過程係不用礦工費，但會有lightning 的過路費，不過平好多！ 除左Phoenix外，當前支持閃電網絡支付的應用重有Blue Wallet、Muun、Strike、Cash App等等，呢d應用近年泥都不斷優化迭代，極大地降低了用戶使用閃電網絡既門檻。 你一玩呢d Wallets，就明架啦！

比特幣本意作為交易媒介，奈何錢包之間的比特幣轉移需礦工認證，既費時且亦要支付礦工費，故並不太通行；反之，這麽多年，它成了投資或投機的工具之一。 雖則比特幣維護團隊引入「隔離見證」和「閃電網絡」，後者是從比特幣主鍊旁枝一條副鍊，用以記錄日常以比特幣所進行的瑣碎交易，待足夠數量才一併交回礦工記錄於主鍊上，這安排便省卻日常使用比特幣的交易時間與費用；然而，直至現在，還欠缺進一步應用軟件之配入，故此「閃電網絡」難以普及，致使比特幣仍未成為主流的交易貨幣。 有消息指商業智慧軟體提供商 MicroStrategy 打算推出支持閃電網絡（Lightning Network）的軟體和解決方案，預計最快將在 2023 年亮相。 MicroStrategy 前執行長、董事會執行主席 Michael Saylor 提到，該公司的比特幣部門目前不僅專注於購買和持有比特幣，而且還正關注如何能為生態系統做出更多貢獻，而隨著 MicroStrategy 逐步從常規軟體擴展到比特幣相關軟體，該公司將能利用現有的知識，為企業提供比特幣和閃電網絡生態系的工具。 他認為，創建閃電網絡版本的「Netscape 瀏覽器」只是時間問題，屆時，能夠持有美元和其他加密貨幣的閃電網絡錢包將達到 1 億用戶。MicroStrategy 前陣子曾招募閃電網絡軟體工程師，工作內容包括構建一個基於閃電網絡的 SaaS（Software as a service）平台。 目前，MicroStrategy 針對閃電網絡服務探索的領域有線上內容貨幣化、企業行銷、網絡付費牆和企業內部控制。 MicroStrategy 已經是全球持有最多比特幣的上市公司，可想而知，這家公司與比特幣的關聯已經密不可分，便不難理解其積極改善比特幣生態的動機。

MicroStrategy 是全球持有最多比特幣的上市公司，雖然這間企業不斷聲稱正在開發軟件業務，針對閃電網絡領域中的線上內容貨幣化、企業行銷、網絡付費牆和企業內部控制等等，終極目標是創建閃電網絡版本的「Netscape 瀏覽器」和建構一個基於閃電網絡的 SaaS（Software as a service）平台，過去一年，更嚷着將推出支持閃電網絡（Lightning Network）的軟體和解決方案。然而，直至今天，只聞樓梯響，幾近沒有甚麼實業成果。 所以，個人認為，暫時只可視Microstrategy 為一隻比特幣期貨ETF ，而事實上，這間公司已累積174,530個比特幣，總值76.5億美元，相當於該公司約85億美元市值之九成，其股價根本跟比特幣價格走，只是波幅更大！ 像過去半年，比特幣價格升了一倍有多，而Microstrategy 則升了兩倍左右；去年比特幣約跌6成，MicroStrategy股價亦暴跌7成有多；比特幣當下價格距前年最高位相差三成，而microstrategy 則跟同期它的高位相差4成。 可以這樣說，這隻美股的軟件業務，暫時只構成比特幣價格波幅以外的其額外上下波幅，而未曾真真正正實現出任何企業價值來。 當然，買美股始終沒有出金要擔心，又無食價和佣金過高問題，部分不想直接購買比特幣的投資者，且貪其波幅大，往往會選擇透過持有這隻股來押注比特幣。