Month: June 2024

參與加密貨幣既人，好多都鍾意高談闊論自己d見地，懶有insights ，但其實係亂講一通！就好似BitMEX 創辦人兼前 CEO Arthur Hayes ，佢喺新加坡發表演講，話下一波牛市會喺2024 年年初開始，仲話唔只加密貨幣，而係整個風險資產領域都牛氣沖天喎！原因係自 1970 年以嚟，全球債務同GDP 既比例已經從 110% 增加到 360%，而家既債務規模已經同以往大大唔同，佢指出到 2026 年，美國必須開展約 8 兆美元的債券，所以必須尋找願意購買大量債務的投資者，但在人口增長不足下會變得非常困難，因此未來美國政府與中央銀行會透過印鈔來維持 GDP 增長。 你聽得明佢講乜野嘛？我就唔明啦！又話2026年美國要發好多國債，咁又同2024年大牛市有乜關係！？另外，發債同印銀紙咁既關係架咩？如果政府要印銀紙，係買債，而唔係發債，佢根本亂講一通！ 真係唔識Econ 唔好亂講啦！嚇死人！信佢就真係喺幣圈天下無敵！ 好啦！跟住佢又講到AI ，認為 AI 係一種個人既經濟單位，不受人類法律法規既制約，比左AI 同加密貨幣結合的機會，因為佢地同樣係作為一種法律外的資產（AI唔係程式嚟架咩），因此去中心化儲存成為兩者結合的一種解決方案，因為將 AI 的計算數據放喺中心化的公司可能會因為政府介入而需要關閉，而且中心化的公司仲可以隨時調用儲存數據的價格，和擅自取消任何合作，因此去中心化存儲可以提供更多的數據控制和安全性。 真係鳩噏！ 儍既咩！任你點將數據分散儲存，最後你都係要整合一齊比AI 機器學習，咪一樣要中心化，行大數據始終要有server run d 數據，有邊個礦工夠錢買個雪山嚟儲data ；再者，資料可分散儲存，AI 點分散？用伏地魔既分靈體！？係得worldcoin 升到發發聲啦！ 條友更提到去中心化儲存代幣 Filecoin，認為佢從最高 300 美元跌至而家既3 美元，跌幅雖然接近 99%，但真實用戶仲好多，如果未來用戶開始注重去中心化儲存所帶來的各種好處，咁佢認為呢個市場會有好大潛力。 大佬！Filecoin 好多年啦，係得就NFT 熱炒時就飈升，因為當時IPFS 用得最多，但都唔見filecoin炒得起！唉！一件資產跌左99%就唔好拎出嚟叫人投資啦，害死人！ 幣圈真係有好多亂柒講野既人！

Worldcoin 是由 OpenAI 執行長 Sam Altman 創立既加密貨幣項目，聲勢浩大，項目既志向宏大： 「旨在創建一個所有人都擁有的全新身份和金融網路，若Worldcoin 最終能成功，它將顯著增加經濟機會，提供可靠的人工智慧與人類的區分解決方案，同時保護隱私，推動全球民主進程，並最終可能展示一條實現人工智慧資助的全球基本收入（AI-funded UBI）的潛在路徑。」 我不太有熱情，因為我係長期投資者，短期炒作我不懂；當然，我真唔敢抹殺有短線炒作暴利，大家不妨放手一搏。 我無熱情原因有二： 第一，我真睇唔明項目既志向，上面嗰目標好似講到好勁，但我連半句都唔知佢講乜！ 我呢幾年學習科技其中一個心得，就係任你科技幾勁，都只係工具，如何無法應用喺現實生活層面，就一蚊都唔值！Open AI 有用，要多謝大型科企採用，亦即如果無呢d科企（譬如microsoft 同google)基於佢地廣泛的顧客群加以應用呢d新技術，咁呢d甚麽人工智能都係無用，良馬也要有伯樂既慧眼。 所以，單憑係Open AI 既開發者，任佢講到d應用又幾勁，我始終半信半疑，你程式勁，唔係代表你有生活觸覺；大家唔好忘記，Steve Jobs 係屬於後者嗰種人，對生活有超凡既設計感，科技落到佢手就入聖了！ 第二個原因，都係法規問題，你買佢嗰隻代幣，代表你係佢地去中心化自治組織既持份者之一，咁要向美國SEC 申請許可bor! 唔係你集資攪AI 就唔駛依法規呀嘛！而家SEC矛頭正指向呢d非法集資途徑，只要SEC 講一句worldcoin 違法，就炒完。 我繼績工作，都係腳踏實地做野啱我多d。

我再一次重申，如果你跳過買Bitcoin ，直接買STX ，個人認為，是相當危險！ 我想說，我是打從心裏欣賞比特幣的設計，它絕對天衣無窮（除了挖礦較為不環保外），好生佩服中本聰的巧妙構思；於是，由欣賞到入手購買，深信它終有一日必定為世人所認受，具有很大的投資價值，這個預想，在其上次高位63000美元一枚實現了。 亦因如此，引發我用心硏究去中心化生態既人與物；這年來，發現了它的Layer 2 ：Bitcoin Stacks ，再細心硏究，發覺其開發團隊好有heart ，想在去中心化區塊錬上建立智能合約，而STX 其中一個功能，就是用來換算gas ，使智能合約能在虛擬機器上執行。 看完吧！直到今日，我們仍未看到Bitcoin NFT 出現在Stacks 區塊錬上，或看見Stacks 的智能合約開始被廣泛應用。 一切一切，只是我一廂情願，認為Stacks 既智能合約最終會廣泛被使用，所以才看好STX；而我亦相信，不只我一個看好，市場也該有很多人看好，否則，STX 不會有咁好既動力。 不過，日子一天一天過去，如果Bitcoin Stacks 的智能合約最終無法發揚光大，又或橫裏殺出一個更厲害的Layer 2應用、那STX 就要玩完，價值就歸零！ 世事無絕對！有咁既不幸結果，亦唔出奇；而且，愈遲入場，風險就愈高，因為距離夢想爆破日近一點。 請大家入手任何野，要了解呢d「野」係「乜野」一回事，唔好嗰group 講講下你就儍跟！即使我講都係！ 咁我會好擔心！

愈嚟愈多人投資加密貨幣，始終傳統資產市場，好似港股同港樓，愈嚟愈無起色，投進的資金好似深潭般被套牢落嚟，永不超生，要變現就要蝕賣，流動性極低；反觀人地入手比特幣等加密貨幣，唔駛蝕經已開心，仲買到形神俱旺，甚至好有心機研究同儲貨，自己就愈買愈頹；於是，你都忍唔住轉投資加密貨幣。 不過，我覺得好多人投資加密貨幣，心態好似買股票咁，咁就弊傢伙啦，兩者真係有大不同！ 第一，買股票我地真會計較d手續費，譬如而家d港股，升幅有限，如果賺埋都唔夠比手續費，買嚟把鬼咩！但加密貨幣唔同，升起上嚟以倍計，咁嗰d手續費就微不足道，對我嚟講，系統同入金出金夠方使夠穩定最重要，好似投資STX ，無錯用crypto.com 手續費高，但你可以用apple pay 直接買；如果你用其他平台，好似OKX，你要過穩定幣去個平台度，然後先可再買STX，有時見到靚價，好似前幾日STX見過0.4X，曇花一現，你要手快買先得，就無得唔用crypto.com 。 出金就更加無得你揀，你要先去翻交易平台賣出STX ，再轉翻做穩定幣，我就會轉出去Wirex 到供碌咭用，當中有幾輪手續費，但我真唔會計較，盡快出到金就得。 所以，大家投資加密貨幣，要留意高位出貨絕對係一種藝術，要預賺唔足，大有可能只賺到八成。 第二，如果你真係算死草，無問題，咁唔該你所有野要早d做，要早d申請account ，早d部署，因為；大家唔係細路，都應該知道好多野，特別d科技電子野，要腦袋清明靜靜地做先得，唔急得；亦都唔到你急，你開得account 入金，斷無可能一開即得，梗要實名登記，咁人地平台要時間處理同核實架嘛，你絕對無可能即登記即買即用，你自己做野都無咁神速啦！ 我自己就有個習慣，閒時有乜平台有乜wallets，覺得可信，就註冊左account 先，用唔用遲d先算，但要比足時間人地審批，免得account 用時方未有！ 投資加密貨幣，有好多野要準備，因為去中心化，無人會預先叫你做乜做物，要自己主動去學去吸收去掌握。

起初聽到BRC-20，我還以為係Bitcoin Stacks 喺技術上有所突破，終於可用佢地的程式語式Clarity 寫出好似以太坊既ERC 20的智能合約，由此可發行代幣….. 原來我表錯情。 原來BRC 20係發生喺Bitcoin Ordinals 度，只係將佢地之前喺比特幣鍊上鑄造NFT既方法變通一下，正因為咁，我地先要先了解下點整Bitcoin NFT。 Bitcoin Ordinals 係由比特幣核心貢獻者 Casey Rodarmor 所創建既協議，基於序數（Ordinals）和銘文（Inscriptions）的理念，結合比特幣網絡的2017 既Segwit和 2021年既Taproot（2021）兩項升級，創造出比特幣網絡的NFT。 每粒NFT 係以比特幣最細單位「中本聰」為基本單位，以順序number 由0 開始編鑄而成，譬如比特幣首個區塊既第一枚「中本聰」既序號係0，咁第二枚中本聰的序號就係1，呢個區塊既最後一個中本聰序號就應係4999999999，由此每單位中本聰都有個ID ，以資識別，呢d「唯一」既「中本聰」可以被「銘刻」任何內容，包括文本、圖像、視頻等，從而創建所謂「銘文」，儲存喺相應既taproot 多簽腳本中。 既然可以咁樣發行NFT，我地亦可以用同樣既原理鑄造代幣，於是 喺2023 年3 月 8 日，比特幣網絡同質化代幣協議 BRC-20 終於出現啦，亦同時出現第一個試驗性代幣 「$ordi」，總量跟齊比特幣總量，都係2100 萬，每個人都可以透過Ordinals 協議免費鑄造，先到先得(你唔駛諗啦，鑄造量已達最高數目；現在，只能在ordinals 網站買賣$ordi。） 基本上，鑄造呢d代幣同鑄造ordinals NFT 既原理相同，只係銘文所包括既內容不同，當中既資料包括部署代幣的名字、其最高量，同你所鑄造的數量等等，以json 格式為文本儲存在比特幣區塊的taproot 側錬中。 顯然而見，這些比特幣BRC-20 的代幣跟以太坊ERC-20 的代幣在應用方面相去甚遠。 然而，過去幾星期，呢d BRC 20 代幣熱炒到飛天。 你瀏覧一下 https://brc-20.io 這個網站就知道，已經有萬多種 BRC-20 代幣，總市值超過 7億美元。其中，$ordi 穩居第一，市值 4億多美金，佔整體BRC-20 市值的 一半以上；而Ordinal 的交易中 ，BRC-20 代幣既交易亦經已成為主流，佔據了九成交易，BTC 網絡中都超過五成交易是 BRC-20 代幣交易，所引致既網絡過份擠塞，就連幣安在過去週末週日需要兩次暫停比特幣出金。 甚至令我一向睇好既STX 價格，亦頗為波動，曾三上三落，而我認為，由於BRC-20 這股熱潮方興未艾，資金一窩蜂湧向這些代幣，STX 價格極有可能要跌穿0.6。 若想入手$ordi，可上https://unisat.io. 看看。

舊生投資比特幣是新手上路，見比特幣地址似有類別之分，生怕這方面在出幣收幣出事，於是問個究竟，我一向有「韓愈」feel（是有點老土了），愛替學生「解惑」，故為文解釋之。 先講大家最關心的，原則上，不同類別的比特幣地址是交叉兼容的，意思是任何一種地址上的資金都可以發送到另一類別的地址，如果你發送資金到某種比特幣地址遇到問題，通常係錢包太out或未升級，所以我地要與時並進，update 下d wallets 款色或版本。 至於你有時用某d平台，好似Binance ，提你小心所用的「傳輸網絡」，用錯會失幣，係因為你有機會用緊d比特幣「遠房親戚」，譬如唔同的跨𨦉比特幣，好似WBTC 咁，呢d跨錬幣同比特幣原錬毫無關係，係喺另一個網絡度既，你九唔搭八由比特幣網絡傳去另一個龬絡，梗出事啦！ 好啦！講講比特幣的三種地址： 第一類係原生「隔離見證」地址Bech32 ，是最新類型，呢類型的地址以 「bc1 」開頭，個人認為呢款地址係最好既，因它喺構成交易時所使用既數據最少，亦即效率最高，因此手續費亦最低，因為比特幣的手續費係按照交易的數據量嚟計算， 呢種隔離見證 Bech32 地址通常係咁樣既： bc1we89046x7zv6pm4n22qgzn808nvljnfp6xfznyw 不過，因為因為呢種地址係最updated ，有埋2021年年尾軟分叉的Taproot address，並不是所有的錢包軟件都支持 Bech32 格式，可能要揀d較新款wallets先有，或現有wallets 有更新，就要更新睇下有無。 另一類係支付到腳本哈希值（P2SH）的地址，叫 「嵌套隔離見證地址」，從交易費用角度看，佢比以下最舊嗰款地址類型為低，地址以 3 開頭，呢款地址係最廣泛使用，因為如果你唔清楚所發往的目標地址係咪支持隔離見證，咁呢款嵌套隔離見證地址通常都支持，呢種P2SH 地址長相係咁樣既： 3EmUH8Uh9EXE7axgyAeBsCc2vdUdKkDqAB 最後一種係傳統的 「支付到公鑰哈希值（P2PKH）地址」，係最舊款既，呢款地址被視為早期科技的殘餘，最大壞處係手續費最高，但仍然通用，特別喺較舊的wallets，地址以 1 開頭，長相喺咁既樣： 1MbeQFmHo9b69kCfFa6yB78BQX4NzJFQq9 地址長度而言、Bech 32 地址有 42 個字符 ，而 P2SH 和 P2PKH 地址則有 32 個字符。 總括而言，現時第二款最多人用，不過，第一款都開始普及，冷錢包也有這款地址了，至於第三款，正在被淘汰中。

每次聽到有人用牛熊來形容加密貨幣市場，我就眉頭緊皺，極不以為然，覺得講嗰條友扮曬野，懶專業咁，拋d術語出嚟恫嚇人，毫無依據；講真，乜加密貨幣市場有牛熊可分既咩！ 牛熊市通常係用嚟形容股市，以牛市為例，整個階段通常涉及數年，原因牛市的發展，緊緊扣實整個經濟表現，牛市要成形，一定要走出那個牛熊難分的階段，最重要就係實質經濟要走旺，企業屢創營利新高，於是股價拾級而上，財富效果令全民多了游資，且金融機構又樂於高槓桿放貸，令市場流動性極之充裕，引發全民炒股，就是所謂牛三。 就以現下香港股市為例，是熊三牛一難分階段，全球經濟滯脹，有排未見起色，我地都唔清楚呢個階段要捱幾耐，所以若你問我牛三幾時到？我點知！連牛二股價因企業營利上升呢個階段都未出現，何時牛三，真係言之尚早！ 換言之，我地股市係牛市與否，唔係睇個價升就叫牛市，係要睇埋相應的經濟基調，係有跡可分既！就算我地香港股市嚟緊連續2星期升市，我地都唔可以叫牛二，因經濟環境唔配合；牛三就更加唔駛講，係我地就唔會因嗰3000元消費劵有得拎而咁期待！ 好啦，咁講翻加密貨幣，你用乜野因素推論佢係牛市呢？價升就係牛？咁我用蛇貓鼠龍虎豹任何一款畜生都得 gor bor! 做乜要用牛即！ 「2024年我認爲加密貨幣係豹市！」 都幾好吖，你都係話佢價升咋嘛！ 股票用牛熊形容，背後係有套理論概，多少同企業營利扯上關係，比特幣不是企業，無營利可言，根本唔可以套用呢d術語，你唔可以見家陣比特幣價升，就叫牛一，繼續升，係牛二囉，再升，牛三定啦，咁牛四牛五牛六牛柒都嚟！ 上一次比特幣由9000升到60000左右，只用8個月，你想點切？頭2個月牛一？跟住三個月牛二？然後牛三，佢跟住跌翻落35000左右bor，足足跌左四成，難道是「熊」了一下？然後由牛四牛五牛六，到牛柒65000！？ 你講曬啦！

在我的YouTube 頻道，有舊生問我對JPC 這隻代幣有何看法，坦白講，恕我無知，我連JPC 是一隻代幣也不知，要即Google 下，先知是JPEX的平台幣。 加密貨幣巿場牽涉的層面很廣，而大家有留意我的投資焦點，就知我對加密貨幣的喜愛是充滿「個性」，扮曬有風格。 我第一天喜歡比特幣，是因為它底層技術的精密， 是科技與人性的結合；自此，我逐漸成為比特幣的傳道者，有時在別人面前說起比特幣，雀躍得合不攏嘴，不斷的說呀說，要到某一刻突然意識自己像個推銷員般，才強制自己停下來。 是的，要我青睞一隻加密貨幣或代幣，你必須要有技術底層讓我驚艷，我認為這是加密貨幣投資的「基本分析」。 所以，倘若某隻代幣，只是依附某個自家平台的活動提供優惠，我不是說投資它們一定不能賺大錢，天曉得！只是這種代幣的本質，我不感興趣，或我不懂欣賞，所以我沒看法。 股票市場也不只藍籌股可賺錢，三綫股也可令人賺錢的，只是投資的策略就可真不同了，有莊家操盤，當然要小心點。 但你又真的不能因為人家買某隻代幣賺到「開巷」，你又盲目跟風落注，咁輸錢機會極高。

昨天在我的加幣貨幣telegram 群組中，有舊生問到token 會上區塊錬嗎？這條問題問得不好，的而且確，網上關於這些討論，極其混亂，我亦認為有需要弄清這些「幣類」。 以下的分法，純粹是我對各種幣類內涵的理解而作出的分類方法，純有助大家了解「幣」象，所謂「正統」分法，我不懂。 首先，我想不跟當下的用詞，我不喜歡用coin這個term，太容易令人誤解。我想用我初學加密貨幣時認知的兩名詞：cryptocurrency 和 token，這分法會較清楚。 所謂cryptocurrency，是最原始的加密貨幣，初心是用來作交易媒介，發生在我所謂的最底層的Layer上，我叫Layer 0（其實，你最緊要明白當中的內涵，別被這些名詞嚇唬），是要「挖」要礦工「記錄」在區塊錬上的，亦是最去中心化最可靠，其交易亦不能任意刪改，比特幣和以太幣就是這種。 至於我所謂的Layer 1 ，是提升上述區塊錬底層交易效率的側錬安排，如Bitcoin 的閃電網絡（lightning network）和隔離見證（SegWit）這Layer並沒有任何「幣」出現。 而所謂Layer 2，就是在底層區塊錬所引申出來的副錬所運行的應用項目，最主要以智能合約運作，而各項目亦極需要自己的「幣」來協助運行（因大部份都是借貸合約），於是就出現不用挖的「代幣（Tokens）」，我常提起的STX就是這類，呢d tokens 只要寫幾條程式碼就可生成，極易！咁係咪扼人？要睇相關項目的應用廣泛性，我們不可以否認，有些項目是很用心做的，其代幣就有一定的潛力（當然，用心亦要迎合市場所需），這些代幣會上區塊鍊嗎？應該這樣說，這些代幣的往來是伴隨著智能合約的運行，而智能合約是在區塊錬上應用的，紀錄當然有，亦不可竄改；所以你要擔心的不是有無記錄，而是它們有無價值，只因好多呢d代幣只想純增加某特定借貸情境的流動性，與及轉移法律責任才發行，去中心化並不是它們相關組織的考量因素。 以上這些「幣」演變到今日，有些又要挖又可應用在智能合約，於是又出現另一些名詞，甚麼「原生幣」、「原生代幣」和那個英文字「coin」，個人認為，SOL 和BNB 屬於這一類。 一言以蔽之，一隻「幣」有無價值，觀其應用之廣泛性！

上一篇我從較哲學的角度探討比特幣的實質價值，本篇我就嘗試分享一下它的實際用途。 首先，每當有人問我：「比特幣有甚麽價值？」，我會大感困惑，今時今日，呢條問題重有得問？我甚至乎心中喑說：「你眼殘嗎？怎麽會無價值！？」你部iPhone 可以在股市App 中天天看到它的價格在變化，這不是價值是甚麽？若你問，這些價值可行駛嗎？可用來購物？ 你有無病！？真係你無知就唔好亂咁講話其他野無價值啦！ 其中一個行駛方法，是我常推介的Wirex （放心，我無product endorsement 的），你隨時可在其錢包內將比特幣轉做港元，然後可等值去碌卡食飯購物，難道這不是價值！所以，到今天你還問比特幣有無價值，我覺得莫名奇妙，大大個價值在你面前，居然視而不見！就連港府也部署打造香港成為加密貨幣中心，我相信，政府不會做一些無價值的事。 當然，我明白這些人擔心比特幣會否有天一文不值，世事當然無絕對，任何資產也可以價值歸零，就好似呢幾日瑞信的可可債，失驚無神歸零了，但十五年來，比特幣的最低位，我所謂的「初戀價」：3000美元一枚，出現的機會已越來越渺茫；反而昔日的高位20000美元一枚，現在已差不多成為最低位；換言之，十五年來，不斷有人（包括那些著名經濟學家）叫囂著比特幣該一文不值，但事實上它卻越來越值錢。 值錢的原因是，該是全世界愈來愈多人（除了那些蠢到死的經濟學家）「相信」比特幣吧！入手的人多了！ 真的，「比特幣毫無價值」這說話，我覺得有點癡人說夢話，是毫無現實基礎，你信科學，更加不會說這失常之話；你試試用塊Pizza而家同人換粒比特幣咯！你就知，如果比特幣毫無價值，那塊Pizza 吃了就該倒嘔出來了。 已是一種慣例，但凡美國金融體系一出事，聯儲局就只曉得印美元救市，美元供應一增，比特幣價格就攀升，就像當下美國眾多小型銀行出事，美央行揼水，比特幣價就升。美元供應量跟比特幣價格的正向關係，幾近可以成為一條「Law of Chaotic Value of Bitcoin」，我可能因為呢條定律拿個諾貝爾經濟學奬。 你信不信，十年廿年後，中本聰真可能被頒授諾貝爾經濟學奬，我認為他實至名歸。 某個清晨，我在大家樂吃早餐，聽到鄰座那些老人家高談闊論，談及一些加密貨幣平台倒閉的事件。 「都話比特幣呢d野扼人架啦！」 這句話的同時，比特幣價格正升了二千多美金。