$ALEX 的入手策略 —— 個人的一點看法

正常情況，比特幣系各原生幣價格在一定程度上會跟比特幣價格走，Alex Lab 自被駭客入侵資金池後，有一段日子脫離這節拍，像個垂死的病人臥在床上，心跳愈來愈弱。

這兩天，因Donald Trump 槍擊時件，市場預期美聯儲減息機會增，流動性會鬆動些，比特幣價格便上升，STX 也跟升，但最開心該是Alex Lab ，$ALEX亦開始跟升，久違了的動力，終於出現，有翻正常心跳啦！

那該如何跟進$ALEX 呢？

個人認為，只能以靜制動，你有$ALEX在手，就平常心等待，既然Alex Lab 在固本培元，我地就比時間佢做好呢件事；投資就係咁，你愈上心，佢就愈從反方向走，我地唔可以抹殺 $ALEX 只係迴光返照，情況就好似投資美股咁，我成日講要當心下半年美國大選所觸發的政治事件，所以我地最好都係由佢靜靜地康復。

若你無貨喺手，都係唔好入手啦，小注都無謂，再觀察下先啦，你明明心情好好既，若果一旦買左佢就深跌，就算小注，都會有D唔開心，何必自虐！

要確保唔係廻光返照，穩陣都係等佢起到身，離開張病床先，啫係見到0.2X先！

舊生問我：「$ALEX 會唔會返上0.5 ？」唔知佢係咪重貨喺手先咁問，所以在盼0.5 ；但我想講，上得0.5 ，就唔止0.5 囉。

又是哲學！當快要化作飛灰卻能重生起來，必定展起更大的翅膀，飛得更高。

我相信的。