Category: Bitcoin系

等我陸續為大家分享一下現時在比特幣區塊錬上已建構的生態協議，第一個係由2018年開始出現既閃電網絡。 乜野叫閃電網絡呢？ 假設我成日都要過帳比特幣比你，原則上，每次都要紀錄在區塊錬上，每次都要礦工跟進，咁咪好費時同好貴（要礦工費架嘛）；於是，就誕生左呢種閃電網絡出泥啦。 點運作呢？好簡單，首先我同你開一條「支付通道（payment channel)」，即係將d比特幣放入一個錬下共同account，然後我地開始喺呢個account 進行頻繁比特幣交易，最後關閉呢條channel 時就「對數」，睇下我比突你，定你比突我，然後先透過礦工上資料到區塊錬。明顯地，唔駛筆筆都上區塊度，一定加速了比特幣傳輸效率。 成個lightning 架構梗唔係得你同我，咁只要大家參與同一個lightning 系統，就好似一個lightning 社區咁，互相用比特幣傳泥傳去。 咁講無用，開個相關wallet 睇睇就最易理解，我用開phoenix 呢個非托管式lightning錢包，你地download 落泥睇睇，呢個錢包可以為用戶自動創建支付通道。在創建通道時，Phoenix會收取1%以及約3000中本聰(比特幣最細單位)既費用，但若使用已有既通道支付就免費。另外，錢包擁有兌入和兌出功能，用戶可以無縫發送和接收鏈上交易，而你「drain 」wallet ，就即係關閉嗰channel。當然，你過比特幣比另一個人，佢都要用緊phoenix 呢個lightning wallet ，而傳輸比特幣過程係不用礦工費，但會有lightning 的過路費，不過平好多！ 除左Phoenix外，當前支持閃電網絡支付的應用重有Blue Wallet、Muun、Strike、Cash App等等，呢d應用近年泥都不斷優化迭代，極大地降低了用戶使用閃電網絡既門檻。 你一玩呢d Wallets，就明架啦！

比特幣本意作為交易媒介，奈何錢包之間的比特幣轉移需礦工認證，既費時且亦要支付礦工費，故並不太通行；反之，這麽多年，它成了投資或投機的工具之一。 雖則比特幣維護團隊引入「隔離見證」和「閃電網絡」，後者是從比特幣主鍊旁枝一條副鍊，用以記錄日常以比特幣所進行的瑣碎交易，待足夠數量才一併交回礦工記錄於主鍊上，這安排便省卻日常使用比特幣的交易時間與費用；然而，直至現在，還欠缺進一步應用軟件之配入，故此「閃電網絡」難以普及，致使比特幣仍未成為主流的交易貨幣。 有消息指商業智慧軟體提供商 MicroStrategy 打算推出支持閃電網絡（Lightning Network）的軟體和解決方案，預計最快將在 2023 年亮相。 MicroStrategy 前執行長、董事會執行主席 Michael Saylor 提到，該公司的比特幣部門目前不僅專注於購買和持有比特幣，而且還正關注如何能為生態系統做出更多貢獻，而隨著 MicroStrategy 逐步從常規軟體擴展到比特幣相關軟體，該公司將能利用現有的知識，為企業提供比特幣和閃電網絡生態系的工具。 他認為，創建閃電網絡版本的「Netscape 瀏覽器」只是時間問題，屆時，能夠持有美元和其他加密貨幣的閃電網絡錢包將達到 1 億用戶。MicroStrategy 前陣子曾招募閃電網絡軟體工程師，工作內容包括構建一個基於閃電網絡的 SaaS（Software as a service）平台。 目前，MicroStrategy 針對閃電網絡服務探索的領域有線上內容貨幣化、企業行銷、網絡付費牆和企業內部控制。 MicroStrategy 已經是全球持有最多比特幣的上市公司，可想而知，這家公司與比特幣的關聯已經密不可分，便不難理解其積極改善比特幣生態的動機。

MicroStrategy 是全球持有最多比特幣的上市公司，雖然這間企業不斷聲稱正在開發軟件業務，針對閃電網絡領域中的線上內容貨幣化、企業行銷、網絡付費牆和企業內部控制等等，終極目標是創建閃電網絡版本的「Netscape 瀏覽器」和建構一個基於閃電網絡的 SaaS（Software as a service）平台，過去一年，更嚷着將推出支持閃電網絡（Lightning Network）的軟體和解決方案。然而，直至今天，只聞樓梯響，幾近沒有甚麼實業成果。 所以，個人認為，暫時只可視Microstrategy 為一隻比特幣期貨ETF ，而事實上，這間公司已累積174,530個比特幣，總值76.5億美元，相當於該公司約85億美元市值之九成，其股價根本跟比特幣價格走，只是波幅更大！ 像過去半年，比特幣價格升了一倍有多，而Microstrategy 則升了兩倍左右；去年比特幣約跌6成，MicroStrategy股價亦暴跌7成有多；比特幣當下價格距前年最高位相差三成，而microstrategy 則跟同期它的高位相差4成。 可以這樣說，這隻美股的軟件業務，暫時只構成比特幣價格波幅以外的其額外上下波幅，而未曾真真正正實現出任何企業價值來。 當然，買美股始終沒有出金要擔心，又無食價和佣金過高問題，部分不想直接購買比特幣的投資者，且貪其波幅大，往往會選擇透過持有這隻股來押注比特幣。

NFT上到比特幣主鍊，其原理是怎樣呢？呢篇文章同大家分享一下。 比特幣主鍊主要紀錄比特幣的交易，典型的例子是若我給一枚比特幣給你，便可以透過礦工將呢筆交易數據置在比特幣主錬的區塊上。 咁點樣將NFT 放在呢條區塊上呢？好簡單！就係我地都係假設有一筆比特幣交易，但交易單位已標準化為比特幣的最細單「中本聰（satoshi)」（即係好似我地港元最細單位以仙計咁），然後喺區塊所紀錄的呢筆交易中注入相關NFT數據，佢地叫「銘文」，最重要係有一個serial number 泥辨識呢枚NFT ，因為比特幣是同質的，唔加個serial number，根本唔會知道嗰個比特幣交易係件NFT泥既。 NFT 上比特幣區塊，原理就係咁簡單！ 要留意既係，比特幣NFT 暫時未好似以太坊智能合約既NFT 咁有極廣泛既二手市場，亦未有相關wallets，所有呢d「中本聰單位」交易要透過Bitcoin Ordinals 傳輸協議喺場外做交易，流通率重未好高。 而家睇到既最顯著影響係比特幣的交易頻繁左，每十分鐘出既區塊承載多左交易，令區塊size 大左；亦因為咁，礦工多左收益，甚至扯高左礦工費，令比特幣的交易費用高左！ 不過，我相信假以時日，Bitcoin NFT 會帶動一個時期的熱潮，我相信發生在今年既下半年。 有關Bitcoin Ordinals Protocol，大家可參巧以下網站： https://ordinals.com/

我再一次重申，如果你跳過買Bitcoin ，直接買STX ，個人認為，是相當危險！ 我想說，我是打從心裏欣賞比特幣的設計，它絕對天衣無窮（除了挖礦較為不環保外），好生佩服中本聰的巧妙構思；於是，由欣賞到入手購買，深信它終有一日必定為世人所認受，具有很大的投資價值，這個預想，在其上次高位63000美元一枚實現了。 亦因如此，引發我用心硏究去中心化生態既人與物；這年來，發現了它的Layer 2 ：Bitcoin Stacks ，再細心硏究，發覺其開發團隊好有heart ，想在去中心化區塊錬上建立智能合約，而STX 其中一個功能，就是用來換算gas ，使智能合約能在虛擬機器上執行。 看完吧！直到今日，我們仍未看到Bitcoin NFT 出現在Stacks 區塊錬上，或看見Stacks 的智能合約開始被廣泛應用。 一切一切，只是我一廂情願，認為Stacks 既智能合約最終會廣泛被使用，所以才看好STX；而我亦相信，不只我一個看好，市場也該有很多人看好，否則，STX 不會有咁好既動力。 不過，日子一天一天過去，如果Bitcoin Stacks 的智能合約最終無法發揚光大，又或橫裏殺出一個更厲害的Layer 2應用、那STX 就要玩完，價值就歸零！ 世事無絕對！有咁既不幸結果，亦唔出奇；而且，愈遲入場，風險就愈高，因為距離夢想爆破日近一點。 請大家入手任何野，要了解呢d「野」係「乜野」一回事，唔好嗰group 講講下你就儍跟！即使我講都係！ 咁我會好擔心！

起初聽到BRC-20，我還以為係Bitcoin Stacks 喺技術上有所突破，終於可用佢地的程式語式Clarity 寫出好似以太坊既ERC 20的智能合約，由此可發行代幣….. 原來我表錯情。 原來BRC 20係發生喺Bitcoin Ordinals 度，只係將佢地之前喺比特幣鍊上鑄造NFT既方法變通一下，正因為咁，我地先要先了解下點整Bitcoin NFT。 Bitcoin Ordinals 係由比特幣核心貢獻者 Casey Rodarmor 所創建既協議，基於序數（Ordinals）和銘文（Inscriptions）的理念，結合比特幣網絡的2017 既Segwit和 2021年既Taproot（2021）兩項升級，創造出比特幣網絡的NFT。 每粒NFT 係以比特幣最細單位「中本聰」為基本單位，以順序number 由0 開始編鑄而成，譬如比特幣首個區塊既第一枚「中本聰」既序號係0，咁第二枚中本聰的序號就係1，呢個區塊既最後一個中本聰序號就應係4999999999，由此每單位中本聰都有個ID ，以資識別，呢d「唯一」既「中本聰」可以被「銘刻」任何內容，包括文本、圖像、視頻等，從而創建所謂「銘文」，儲存喺相應既taproot 多簽腳本中。 既然可以咁樣發行NFT，我地亦可以用同樣既原理鑄造代幣，於是 喺2023 年3 月 8 日，比特幣網絡同質化代幣協議 BRC-20 終於出現啦，亦同時出現第一個試驗性代幣 「$ordi」，總量跟齊比特幣總量，都係2100 萬，每個人都可以透過Ordinals 協議免費鑄造，先到先得(你唔駛諗啦，鑄造量已達最高數目；現在，只能在ordinals 網站買賣$ordi。） 基本上，鑄造呢d代幣同鑄造ordinals NFT 既原理相同，只係銘文所包括既內容不同，當中既資料包括部署代幣的名字、其最高量，同你所鑄造的數量等等，以json 格式為文本儲存在比特幣區塊的taproot 側錬中。 顯然而見，這些比特幣BRC-20 的代幣跟以太坊ERC-20 的代幣在應用方面相去甚遠。 然而，過去幾星期，呢d BRC 20 代幣熱炒到飛天。 你瀏覧一下 https://brc-20.io 這個網站就知道，已經有萬多種 BRC-20 代幣，總市值超過 7億美元。其中，$ordi 穩居第一，市值 4億多美金，佔整體BRC-20 市值的 一半以上；而Ordinal 的交易中 ，BRC-20 代幣既交易亦經已成為主流，佔據了九成交易，BTC 網絡中都超過五成交易是 BRC-20 代幣交易，所引致既網絡過份擠塞，就連幣安在過去週末週日需要兩次暫停比特幣出金。 甚至令我一向睇好既STX 價格，亦頗為波動，曾三上三落，而我認為，由於BRC-20 這股熱潮方興未艾，資金一窩蜂湧向這些代幣，STX 價格極有可能要跌穿0.6。 若想入手$ordi，可上https://unisat.io. 看看。

舊生投資比特幣是新手上路，見比特幣地址似有類別之分，生怕這方面在出幣收幣出事，於是問個究竟，我一向有「韓愈」feel（是有點老土了），愛替學生「解惑」，故為文解釋之。 先講大家最關心的，原則上，不同類別的比特幣地址是交叉兼容的，意思是任何一種地址上的資金都可以發送到另一類別的地址，如果你發送資金到某種比特幣地址遇到問題，通常係錢包太out或未升級，所以我地要與時並進，update 下d wallets 款色或版本。 至於你有時用某d平台，好似Binance ，提你小心所用的「傳輸網絡」，用錯會失幣，係因為你有機會用緊d比特幣「遠房親戚」，譬如唔同的跨𨦉比特幣，好似WBTC 咁，呢d跨錬幣同比特幣原錬毫無關係，係喺另一個網絡度既，你九唔搭八由比特幣網絡傳去另一個龬絡，梗出事啦！ 好啦！講講比特幣的三種地址： 第一類係原生「隔離見證」地址Bech32 ，是最新類型，呢類型的地址以 「bc1 」開頭，個人認為呢款地址係最好既，因它喺構成交易時所使用既數據最少，亦即效率最高，因此手續費亦最低，因為比特幣的手續費係按照交易的數據量嚟計算， 呢種隔離見證 Bech32 地址通常係咁樣既： bc1we89046x7zv6pm4n22qgzn808nvljnfp6xfznyw 不過，因為因為呢種地址係最updated ，有埋2021年年尾軟分叉的Taproot address，並不是所有的錢包軟件都支持 Bech32 格式，可能要揀d較新款wallets先有，或現有wallets 有更新，就要更新睇下有無。 另一類係支付到腳本哈希值（P2SH）的地址，叫 「嵌套隔離見證地址」，從交易費用角度看，佢比以下最舊嗰款地址類型為低，地址以 3 開頭，呢款地址係最廣泛使用，因為如果你唔清楚所發往的目標地址係咪支持隔離見證，咁呢款嵌套隔離見證地址通常都支持，呢種P2SH 地址長相係咁樣既： 3EmUH8Uh9EXE7axgyAeBsCc2vdUdKkDqAB 最後一種係傳統的 「支付到公鑰哈希值（P2PKH）地址」，係最舊款既，呢款地址被視為早期科技的殘餘，最大壞處係手續費最高，但仍然通用，特別喺較舊的wallets，地址以 1 開頭，長相喺咁既樣： 1MbeQFmHo9b69kCfFa6yB78BQX4NzJFQq9 地址長度而言、Bech 32 地址有 42 個字符 ，而 P2SH 和 P2PKH 地址則有 32 個字符。 總括而言，現時第二款最多人用，不過，第一款都開始普及，冷錢包也有這款地址了，至於第三款，正在被淘汰中。

上一篇我從較哲學的角度探討比特幣的實質價值，本篇我就嘗試分享一下它的實際用途。 首先，每當有人問我：「比特幣有甚麽價值？」，我會大感困惑，今時今日，呢條問題重有得問？我甚至乎心中喑說：「你眼殘嗎？怎麽會無價值！？」你部iPhone 可以在股市App 中天天看到它的價格在變化，這不是價值是甚麽？若你問，這些價值可行駛嗎？可用來購物？ 你有無病！？真係你無知就唔好亂咁講話其他野無價值啦！ 其中一個行駛方法，是我常推介的Wirex （放心，我無product endorsement 的），你隨時可在其錢包內將比特幣轉做港元，然後可等值去碌卡食飯購物，難道這不是價值！所以，到今天你還問比特幣有無價值，我覺得莫名奇妙，大大個價值在你面前，居然視而不見！就連港府也部署打造香港成為加密貨幣中心，我相信，政府不會做一些無價值的事。 當然，我明白這些人擔心比特幣會否有天一文不值，世事當然無絕對，任何資產也可以價值歸零，就好似呢幾日瑞信的可可債，失驚無神歸零了，但十五年來，比特幣的最低位，我所謂的「初戀價」：3000美元一枚，出現的機會已越來越渺茫；反而昔日的高位20000美元一枚，現在已差不多成為最低位；換言之，十五年來，不斷有人（包括那些著名經濟學家）叫囂著比特幣該一文不值，但事實上它卻越來越值錢。 值錢的原因是，該是全世界愈來愈多人（除了那些蠢到死的經濟學家）「相信」比特幣吧！入手的人多了！ 真的，「比特幣毫無價值」這說話，我覺得有點癡人說夢話，是毫無現實基礎，你信科學，更加不會說這失常之話；你試試用塊Pizza而家同人換粒比特幣咯！你就知，如果比特幣毫無價值，那塊Pizza 吃了就該倒嘔出來了。 已是一種慣例，但凡美國金融體系一出事，聯儲局就只曉得印美元救市，美元供應一增，比特幣價格就攀升，就像當下美國眾多小型銀行出事，美央行揼水，比特幣價就升。美元供應量跟比特幣價格的正向關係，幾近可以成為一條「Law of Chaotic Value of Bitcoin」，我可能因為呢條定律拿個諾貝爾經濟學奬。 你信不信，十年廿年後，中本聰真可能被頒授諾貝爾經濟學奬，我認為他實至名歸。 某個清晨，我在大家樂吃早餐，聽到鄰座那些老人家高談闊論，談及一些加密貨幣平台倒閉的事件。 「都話比特幣呢d野扼人架啦！」 這句話的同時，比特幣價格正升了二千多美金。

比特幣閃電網路的出現，正正是我始學習區習錬那一年，是2018年（無巧不成話，我跟Bitcoin Ordinals 同一天生日），因此，我對這個網絡特別有親切感，大家一起開步嘛！ 閃電網絡主要解決比特幣線下實時交易的處理問題，實現了比特幣的高速度和低成本交易，與及大大提升了每秒可處理的交易量；目前鎖定在閃電網路中的比特幣總量已經達到5400多枚，從用戶數量來看，確實已經開始普及；加上2021年薩爾瓦多將比特幣法幣化後，閃電網絡就得到更廣泛既應用，通道中既BTC數量也在快速增長。截止至2023年2月8日，閃電網絡一共有1.6萬個節點，近7.7萬個支付通道，通道資金約5356枚比特幣（約合1.24億美金）。現時，閃電網絡通道在歐美較普及，集中在美國、加拿大、德國，僅美國既通道數量就占了30.15%，而喺亞洲，則僅新加坡既通道數量佔比相對較高，有1.644%。 據Arcane Research統計數據顯示，到2022年3月份，已經有超過8000萬人在已安裝的應用程序（譬如我昨天所推介的phoenix wallet)上使用閃電網路。 以閃電網路節點所提供的錢包支付應用，我認為最廣泛的可算是比特幣閃電網路支付平台 Strike 跟Shopify合作，後者允許商家接受比特幣閃電網路作為支付方式之一（亦都因為咁，我都諗住Shopify 開店，反正佢又同YouTube 帶貨功能相連）。 另一個較廣泛應用是，僅次於 PayPal 的全球支付巨頭 Block(前身為Square)將閃電網路整合到旗下的熱門應用程式 Cash App 中，不過現時只在美國用，我地download 唔到呢個Apps，但香港要發展成加密貨幣中心，我相信不久未來香港會有得用。 除此之外，閃電網路上目前還有一些DeFi應用在開發中，包括資產發行平台、智能合約協議、Dex、衍生品平台等等，待它們發展得甚具苗頭時，我才為大家介紹。

科技這事兒，你不懂就覺得它高深莫測；你懂了，就覺得來來去去都是那些。而且，你會發覺，很多Web 3的技術，根本不是新事，只是將Web 2 的技術延申到「多頭servers 」而已。我始終認為，很多真正的技術突破，還在Web 2.0 ，那邊的開源生態社區才是人才濟濟，Web 3 社區只是free riders ，順手拿來用。 最近Bitcoin Ordinals 似在技術上有突破，拆穿了，只不過是Web 2.0 近十多年的典型作法：calling APIs。 我嘗試用Web 2.0 的技術作比喻，大家就會明。 Bitcoin Ordinals  原先的Ordinal Inscriptions 技術，就好比一版網頁，內容部份記下某些比特幣的交易，而頁面腳底下，即script 部份（你稍稍懂編程就明白我說甚麼了），有個head 部份，記下一些metadata ，所謂中介資料，若用我編程課堂的第三層次打比喻，就是各頁面這部份： 就是這麼簡單了。 好了，Bitcoin Ordinals  的新技術 「Recursive 」Ordinal Inscriptions 是甚麼呢？  只不過是在這處放一個json file，放上一些key pairs 的 data，背後set 好https 的 call mechanism ，讓外部的某條主鍊（當然是Bitcoin Ordinals 中心化地控制）call 這些key data 而已，而外部這條主錬幾大容量都得，放乜也可，無位咪擴容咯！ 換言之，外部條主運就係frontend 嗰website 外樣，而比特幣主鏈各區塊腳底程式就是backend ，容讓外部這主鏈call […]