VanEck 向 SEC 申請 Solana ETF —— 別入手SOL ，必被騙！

資產管理巨頭 VanEck 昨（27）日向美國 SEC 申請 Solana ETF 之後，SOL即跳漲8％突破150美元，然後回落到145美元…..

熊市就有這些搵笨野出現！

申請啫！實批既咩，擺明借住ETH 實貨 ETF 度勢，搵借口cap 水！以SOL 的資歷，得四五年歷史，佢既挖礦社群未夠成熟，又唔夠中心化，連期貨ETF都未有，就想有現貨ETF !? 真係有好多野都未穩定落嚟，美國SEC 絕無可能咁快批！

加密貨幣造市商 GSR Markets 同日即搭棚，發布報告，直言 Solana 獲得現貨 ETF 只是時間問題（鬼唔知咩！十年都係時間！）又自創幾個準則出嚟，甚麼中本聰系數、質押要求和CCData 治理評級，從而明證SOL 係繼ETH 後另一隻原生幣會獲許可出現貨ETF，真係佢講晒啦！

我突然諗起內地演員陳道明的一句說話：「我無奈於世道，世道也無奈於我。」 呢d高階騙局，見到有人相信，甘於做韮菜，我會覺得無奈；但同時卻坑我唔到，你世道又吹得我脹咩！